top of page

PAWLPI TANGTHU

Zomi Pentecostal Church (UPCI) pen kum 2011 kumin Nashville, Tennessee khua ah UPC Pawlpi khatin na ding zo hi. Pawlpi a din zawh Rev. Michael Lian (Senior Pastor), Rev. Cin Za Suan (Assistant Pastor), panmun makai le mipi te ki lungtuak na tawh Pasian thuphapiak Pawlpi lian khat hi.

​

Jesu sihna panin a thawhkik zawh a ni 50 cinni a kibawl Pentecost pawi ni pan hong kiphut pawlpi leh tua upna tawh akizom hih Zomi Pentecostal Church (UPCI), Nashville, Tennessee, USA ahi hi.

Jesu in a misiangthote la dingin hong paikik ciangin hih pawlpi beita dinga, lungdamtakin ama hong kilat kik ding angak pawlpi ahi hi.

PAWLPI NGIMNA

Leitung khempeuh ah lungdamna thu (Gospel) tangko ding (Mk. 16:15-17).

​

Upna kibatpihte tawh kilawmtatna behlap semsem ding (Acts 2: 44-47).

​

Taksa leh kha thu ah a kitangsam mite panpih ding (Rom. 12:9-21).

​

Bia Khawm, Phat Khawm, Pia Khawm Pawlpi hitawntung ding

KIIM LE PAM TAWH ZOPNA

Nisim Nuntakna ah Pawlpi Kalsuanpihte (Volunteer Outreach):

​

  • Appointment vai ah huh ding kitangsamte huh

  • Inn lanuam, zuaknuamte panpih

  • Nasep thak a zong nuamte, nasep hoihzaw a deihte zonpih

  • Mimal/innkuan vai ah dongtuakte panpih theih bangin a thute vanpih

  • Sihna ah luangphamna leh dahna ah hehnep hunbawlna kinei

UPNA GUI-LET

Bible: Laisiangtho bu 66 (Piancil pan Mangmuhna) khempeuh pen Pasian humop ahi hi (2 Tim. 3:16).

​

God: A kipat cil leh a tawp dongin Topa Pasian khat bek hi a, cik mah hunin kibehlap/kiamzaw ngeilo hi. Tua tawntung Pasian pen mihingte mawhna panin a gumkhia dingin tapa bangin hongpai in amin Jesu ahi hi. Tua Jesu sungah Pasian pianzia (the Godhead) akimin a om hi (Isai. 9:6; Mt.1:23-25; Col.2:9; Rev. 1:17; 22:13).

​

Angels: Simzawhloh vantungmite (Heb 12:22) pen Pasian deihna bangin a gamtang ding leh amah a pahtawi dingin a piansak ahi hi (Ps. 148:1-5; Col. 1:16). Hih vantungmite sungpan in mawhna hong kipan a, zingsol tapa Lucifer cih min a neingei, tu in Satan ci in a kithei, tanglai gulpi nung azui vantungmite pen akhial vantungmite kici hi (Isa.14:12-14; Ezek.28:11-15; Rev. 12:3-10). Ahoih vantung mite pen khenpi li in ki tamtheih pen hi: Michael pawl, Gabriel pawl, Serafim, leh Cherubim cihte ahi hi.

​

Human: Pasian in ni guk sungin na khempeuh piangsak/bawl a, a ni guk ni a tawpna penpen ah mihing ama lim leh mel sun in bawl hi, amah in pasal leh numei bawl hi, a piansak nate tungah ukna anei dingin Pasian in amaute thupha pia hi (Gen. 1:26,27,28).

​

Sin(s): mawhna pen vantung pan kipan in, leitung mawhna pen Eden huan pan kipan hi. Mawhna thaman in sihna hi a, Jesu hongpiak ahih leh nuntakna ahi hi” (Rom. 5:12-15; 6:23). Mihingte mawhna tawh kisai khen thum anuai abangin kimu thei hi:

​

  1. Luahsuk mawhna: Adam hangin leitungah mawhna hong luta (Rom. 5:12) tua pen luahsuk mawhna “imputation of sin”, “transmission of sin”, kici hi. Mawhna thu ah mi khempeuh ki batna oma, tua pen ih pianna ih nu leh pa tungpan ih luahsuk/leitung mawhna ahi hi (Jn. 1:29).

  2. Mimal mawhna: Mawhna nei vive ih hihlaitakin, ih mawhna a kikimlo khat om a, tua in Jesu nial ding maw, sang ding maw, a thu zui ding cih hi a, tua pen “mimal mawhna”, “personal sins” kici hi. Leitung/luahsuk mawhna panin Jesu sisan in hong tankhia a (Jn. 1:29), ahizongin, amah ih updan a mankei leh, ih upnopkei leh, ih upkhialh leh tua mawhna tawh a kisi ding ahi hi (Jn. 8:24; 1 Kor. 2:8).

  3. Christian mawhna: Mawhna gamah ki nungtalai ahihmanin piangthak mite in mawhna ih neih ciangin, “Pasian kiangah ih mawhnate va pulak lehang, amah citakin thuman ahihmanin, ih mawhnate hong maisakin ih hoihlohna khempeuh hong siangsak ding hi” (1Jn.1:9; James 5:14-15).

​

Redemption: Mawhna tawh a kidim mimawh leitung mite tatkhiatna dingin midang kuamah sawllo in amah mah hong kiniamkhiat tawmzaw in sila limla in singlamteh tungah thah ding nangawn hong teelzaw hi (Fil. 2:5-7). Ama tatkhiatna a um mi khempeuh in hotkhiatna ngah dinga, tua pen gupna kici hi. Hong gumpa min in a hih leh Jesu ahi ih (Mt.1:21-25). Jesu sisan pen thuciamthak kipsakna dingin a lungkhia hi a (Mt. 26:28), tua thuciamthak ahih leh Jesu’ sihna, akivuina, a thawhkikna tawh mawhneite adingin thukhun thak hong bawl ahi hi. Tua thuciamthak a um mite in ih mawhna pan kisikkik in, mawh maina dingin Jesu min tawh kituiphum hile hang hong piak khong Khasiangtho ngah ding cih thu ahi hi (Acts 2:38-39). Hih pen ka mawhna in amah that hi cih upna anei mikhempeuh ading ahi hi.

​

Church: Pawlpi hong kipat ni pen Jesu a thawhkikzawh a ni 50 cinni Pentecost pawi Khasiangtho kibuakni ahi hi. Tua pawlpi pen ama misiangthote ladingin Jesu hong paikik ni ciangin leitung pan vantung ah kilato ta ding hi (Acts 2:1-47; 1 Thess. 4:13-17).

​

Last Things: Jesu in amisiangthote la dingin hong paikik dinga, Olive Mual sik in Jerusalem pan Leitung khempeuh ah kumpi ahihna tawh mi khempeuh tungah ukna nei ding hi (Acts 1:11; Zech. 14:4-5, 9; Rev. 20:4). Adam khangpan in ni tawp ni ciang dong misi khempeuh amau hunciat in hong thokik ding uh hi (1Kor.15:23). Misiangtho khempeuh in tawntungin nopkna tawh hun zang dinga, gupna a ngahlo khempeuh in tawntung tawntungin Pasian hehna hell khuk sungah thuak ding uh hi (Rev. 20:14-15; 21:1-22:21).

bottom of page